Првата Гинисова изложба беше отворена кон крајот на 1995 година, во Завод и Музеј - Битола. На изложбата беа поместени вкупно 11.058 цртежи, сите жирирани од страна на меѓународното стручно жири на “Малиот битолски Монмартр”. Изложбата беше отворена повеќе од два месеци и беше масовно посетена. Изложбата беше тешка преку 1.500 килограми, а долга над 800 метри.
Наредната 1996 г. беше отворена и втората Гинисова изложба на Студиото. Изложбата  беше отворена во Музејот на град Скопје. На изложбата се поместени 10.000 творби.
Третата Гинисова изложба Студиото ја отвори во Белград, во 1997 година. Изложбата беше отворена во Музејот за применета уметност, а беа изложени 3.500 творби.
Со овие гигантски изложби Студиото  отвори нова страница во Гинисовата книга на рекорди.