Во најкрупните успеси на Студиото се вбројува освојувањето на првата награда на меѓународниот ликовен конкурс “За побезбеден свет”, Што во организација на  НАТО алијансата се одржа во Прага (Чешка). Наградата му припадна на тогаш 14-годишниот Стефан Поповски, член на Студиото.
Високото признание, првата награда на НАТО, на Стефан Поповски, кој беше придружуван од својот ментор Коста Хаџи Антоновски,  му беше  врачена на посебна свеченост, што се одржа на 29 ноември 2003 г. во Кабинетот на тогашниот претседател на Република Македонија, г. Борис Трајковски. Во присуство на голем број истакнати личности, наградата на Стефан му ја врачија лордот Џорџ Робертсон, генерален секретар на НАТО, и г. Борис Трајковски, тогашен претседател на Република Македонија. Наградата се состоеше од специјална диплома, потпишана од Робертсон и полн пакет со подароци.